బీఆర్టీఎస్‌ రోడ్డులో ’పోలియో అవేర్‌నెస్‌ వాకథాన్‌ 2026’
అమ‌రావ‌తి టుడే ప్ర‌తినిధి :
ప్రతీ చిన్నారికీ క్రమం తప్పకుండా పోలియో చుక్కలు వేయించి దేశాన్ని పోలియో రహిత దేశంగా తీర్చిదిద్దేందుకు ప్రతీ ఒక్కరూ సహకరించాలని ట్రాఫిక్‌ డీసీపీ సురక్షితంగా ఉంచాలనిఎస్‌.కె. షరీన్‌ బేగం అన్నారు. స్ధానిక బీఆర్టీఎస్‌ రోడ్డులో శనివారం ప్రపంచ పోలియో దినోత్సవం సందర్భంగా రోటరీ క్లబ్‌ ఆఫ్‌ విజయవాడ ఆధ్వర్యంలో రోటరీ క్లబ్‌ ఆఫ్‌ విజయవాడ మిడ్‌టౌన్‌ సహకారంతో బీఆర్టీఎస్‌ రోడ్డులో శనివారం ’పోలియో అవేర్‌నెస్‌ వాకథాన్‌ 2026’ కార్యక్రమం జరిగింది. కార్యక్రమంలో ఆమె ముఖ్య అతిధిగా పాల్గొని రోటరీ డిస్ట్రిక్ట్‌ 3020 గవర్నర్‌ రోటరియన్‌ గుత్తికొండ శ్రీరామ్‌తో కలిసి వాక్‌ధాన్‌ను ప్రారంభించారు.ఈ సందర్భంగా వారు మాట్లాడుతూ సమాజం నుండి పోలియోను పూర్తిగా పారద్రోలడానికి రోటరీ ఇంటర్నేషనల్‌ చేస్తున్న కృషిని కొనియాడారు. ఎండ్‌ పోలియో నౌ’ అనే నినాదంతో ప్రతి చిన్నారికి పోలియో చుక్కలు వేయించి, భవిష్యత్‌ తరాలను సురక్షితంగా ఉంచాలని ప్రజలకు పిలుపునిచ్చారు. సమిష్టి కృషితో గతంలో కరోనాపై ఎలా విజయం సాధించామో, అదే రీతిలో పోలియో రహిత దేశంగా భారత్‌ను తీర్చిదిద్దడంలో రోటరీ కృషి ఎంతగానో ఉందని ప్రశంసించారు. విశిష్ట అతిథిగా ఎన్టీఆర్‌ జిల్లా వైద్య ఆరోగ్యశాఖాధికారి డాక్టర్‌ ఏ. శ్రవణ్‌ బాబ మాట్లాడుతూ ప్రపంచ ఆరోగ్య సంస్థ, యూనిసెఫ్, గ్లోబల్‌ పోలియో ఎరాడికేషన్‌ ఇనిషియేటివ్‌ వంటి సంస్థల విశేష కృషితో భారతదేశంలో 2011 నుండి నేటి వరకు ఒక్క పోలియో కేసు కూడా నమోదు కాలేదన్నారు. కేంద్ర ప్రభుత్వం అందజేస్తున్న ఓరల్‌ పోలియో వ్యాక్సిన్‌ , ఇంజెక్టెడ్‌ పోలియో వ్యాక్సిన్‌లను పల్స్‌ పోలియో కార్యక్రమం ద్వారా విజయవంతంగా అందిస్తున్నామని పేర్కొన్నారు. అప్పుడే పుట్టిన చిన్నారి నుంచి ఐదేళ్ళలోపు చిన్నారులందరికీ పోలియో చుక్కలు వేయించటం తల్లితండ్రులు బా«ధ్యతగా గుర్తించాలని అన్నారు, కార్యక్రమంలో రోటరీ క్లబ్‌ ఆఫ్‌ విజయవాడ ప్రెసిడెంట్‌ రవిప్రకాష్‌ సోమయాజుల, సెక్రటరీ రామకృష్ణ ఉప్పలపాటి, యడ్ల పార్థసారథి, వెంకట్‌ కేతిబోయిన, త్రినాథ్‌ నండూరి తదితరులు పాల్గొని మాట్లాడారు.

Views: 280