మొగిలిచర్ల దత్తాత్రేయ స్వామి, పద్యశతకం ఆవిష్కరణ
అమరావతి టుడే ప్రతినిధి:
బహు శతక కర్త, శతక శ్రీ ఉప్పులూరి లక్ష్మీనారాయణ రచించిన మొగిలిచర్ల దత్తాత్రేయ స్వామి పద్యశతకంను దత్తాత్రేయ స్వామి దేవాలయం ధర్మకర్త పవని నాగేంద్ర ప్రసాద్‌ శనివారం సాయంత్రం ఆలయంలో ఆవిష్కరించారని మారుతీగ్యాస్‌ కంపెనీ అధినేత చెట్లపల్లి మారుతీ ప్రసన్న తెలిపారు. ముత్యాలంపాడులోని మారుతీగ్యాస్‌ కంపెనీలో ఆదివారం నిర్వహించిన మీడియా సమావేశంలో ఆయన మాట్లాడారు. బహు శతక కర్త ఉప్పులూరి లక్ష్మీనారాయణ రచించిన మొగిలిచర్ల దత్తాత్రేయ స్వామి పద్యశతకంను తాము ప్రచురించటం జరిగిందన్నారు. పద్మశతక ఆవిష్కరణ కర్త పవని నాగేంద్ర ప్రసాద్‌ స్వామివారి మహత్యం, క్షేత్ర ప్రాశస్త్యం, పద్య శతక ఔన్నత్యాన్ని, ఘనంగా వివరించారని కొనియాడారని తెలిపారు. స్వామివారి శతకాన్ని ప్రచురించటం తన జన్మజన్మల భాగ్యం అని, శతకం ఆద్యంతం, అమృతప్రాయమని కొనియాడారు. ‘‘బహు శతక కర్త,‘‘శతక శ్రీ‘’ ఉప్పులూరి లక్ష్మీనారాయణ మాట్లాడుతూ, స్వామివారి శతకను రాయటం,తన జన్మజన్మల భాగ్యం అని, స్వామివారు అతి చిన్న వయస్సులో జీవసమాధి పొంది, నేడు లక్షలాది మంది భక్తులకు, వారి ఆర్తిని తీర్చి, కోర్కెలు నెరవేర్చి, బాధలు తీర్చి, వెన్నంటి కాపాడటం, బహుధా విశేషమని అన్నారు. ఈ శతకాన్ని భక్తులు స్వీకరించి స్వామివారి, మహత్యాన్ని, ఔన్నత్యాన్ని తెలుసుకోవాలని కోరారు. డాక్టర్‌ బ్రహ్మ దేశం సోషల్‌ సర్వీస్‌ సొసైటీ అధ్యక్షులు డాక్టర్‌ బ్రహ్మదేశం వసంత కుమార్‌ మాట్లాడుతూ, స్వామివారి పద్య శతకం, అమృతతుల్యమని, స్వామివారి మహత్యం,అనిర్వచనీయమని, శ్లాఘించారు. కార్యక్రమంలో ఎక్సరే సంస్థ సంయుక్త కార్యదర్శి గుర్రం ఏడుకొండలు, లక్ష్మణరావు, బి విశ్వేశ్వరరావు, వెంకటసుబ్బయ్య తదితరులు ఫాల్గొని మాట్లాడారు.

Views: 504