అమరావతి టుడే ప్రతినిధి:
ముత్యాలంపాడు శ్రీషిర్డీసాయిబాబా మందిరంలో షిర్డీసాయినాధుని పుణ్యతిధి మహోత్సవాలలో భాగంగా చిన్నారి శ్రీతన్వీ ప్రదర్శించిన కూచిపూడి నృత్య ప్రదర్శన పేక్షకులను రంజింప చేసింది. భక్తికీర్తనలకు అనగుణంగా శ్రీతన్వి చేసిన నృత్యప్రదర్శన ఆద్యంతం ఉత్సాహభరితంగా సాగింది. ఆధ్యంతం భక్తితత్వంను పెంపొందించే విధంగా నృత్యప్రదర్శన జరిగింది. పెద్ద సంఖ్యలో భక్తులు చిన్నారి శ్రీతన్వీ నృత్యప్రదర్శనను ఆసక్తిగా తిలకించారు.అనంతరం చిన్నారి శ్రీతన్వీకు మందిర గౌరవాధ్యక్షులు డాక్టర్‌ పూనూరు గౌతంరెడ్డి చేతులమీదుగా మెమెంటో జ్ఞాపికను అందజేశారు. ఈ సందర్భంగా ఆయన మాట్లాడుతూ చిన్న వయస్సులోనే చక్కటి ప్రదర్శన చేయటంతో పాటు పలువురి ప్రశంసలు అందుకోవటం అభినందనీయం అని కొనియాడారు. ఇప్పటికే శ్రీతన్వీ కాశీ, రామేశ్వరం, తిరుమల, గురవాయర్, బెంగుళూరు, భధ్రాచలం,ఏలూరు, విజయవాడ కనక దుర్గ అమ్మవారి దేవాలయం తదితర ప్రాంతాలలో నృత్య ప్రదర్శన చేసి మెప్పించిందని అభినందించారు. కార్యక్రమంలో మందిర ప్రధాన కార్యదర్శి కుంచనపల్లి రవిశంకర్, కోశాధికారి మందలపర్తి సత్యశ్రీహరి పాల్గొన్నారు.

Views: 476